АР: дар Белгия панҷ нафар бо гумонбари иштирок дар амалиётҳои террористӣ дар Париж дастгир шуданд

Душанбе, 22.12.15. (АМИТ «Ховар»). —  Назар  ба  иттилои  ТАСС, пулиси  Белгия дар  ҷараёни ҷустҷӯи  дурӯза  панҷ  нафарро  бо  гумонбари  иштирок  дар   амалиётҳои террористӣ  дар  Париж  дастгир  намуд. Дар  ин  бора  Агентии Associated Press  хабар  дод. 
Баъди  силсилаи  амалиётҳои террористӣ  дар  пойтахти  Фаронса  13  ноябр  ҳукуматдорони  Белгия  дар  саросари  кишвар  тадбирҳои  амниятӣ  андешиданд. 
Шаби  14  ноябр  дар  шаҳри  Париж  силсилаи  амалиётҳои террористӣ рух доданд.  Шахсони  номаълум  дар  толори   консертии Bataclan гаравгононро дастгир  намуданд. Дар  кӯчабоғҳои  Шарон ва Волтер,  ҳамчунин  кӯчаҳои  Фонтен – о – Руа ва  Алебер низ  ҳамлаҳои  террористон  сурат  гирифтанд. Дар  маҳаллаи  Сен – Дении  назди  варзишгоҳи  Stade de France, ки  дар  он  ҷо  дастаҳои  мунтахаби  футболи  Фаронса  ва  Олмон қувваозмоӣ  менамуданд, таркишҳо  садо  доданд. 
Бар  асари  ҳамлаҳои  террористон  130  нафар  ҳалок  гардида, қариб  350  нафар  осеб  диданд. Ҳамлаҳо  аз  ҷониби нуҳ  нафар  террористон  сурат  гирифтанд.