Артиши Сурия ба мавқеъҳои ДОИШ муваффақона ҳамла меорад

Душанбе, 22.12.15. (АМИТ «Ховар»). – Артиши  Сурия  ба  мавқеъҳои  ДОИШ  муваффақона  ҳамла оварда,  марзҳои  Латакияро таҳти назорати  худ  мегирад.
Тавре  ки  манбаъҳо  хабар  медиҳанд, Артиши  араби Сурия  бо  мусоидати Қувваҳои  ҳарбии  ҳавоии  Русия  ва  ҷанговарони  Ҳизбуллоҳ  қариб  тамоми   шимоли  Латакияро   озод  намуда,  даҳҳо  теппаҳои   стратегиро  таҳти  назорати  худ  гирифта,   даҳҳо  нафар  террористонро   нест  намуданд. 
Агентии иттилоотии ФОРС  хабар  медиҳад, ки  20  декабр  қувваҳои  ҳарбии  Сурия  силоҳбадастонро  аз  теппаҳои  Рвейзет Адду, Кетф ал – Ҳарами  ва  Яқубер  берун  сохтанд. Ҳамаи  се  теппаи   зикршуда  байни   ноҳияҳои  Салма  ва  Кабани  қарор  доранд. 
Васоити ахбори омма   зимни  истинод ба  манбаи  артиш  хабар  медиҳанд, ки «қӯшунҳои  артиши  Сурия  ва  қувваҳои  мудофиаи  миллии  кишвар  дар  деҳаи  ал – Кабир ба  мавқеъҳои  гурӯҳҳои ҷангиён  ҳамла оварда, теъдоди   зиёди  силоҳбадастонро  куштаю  захмӣ  намуда,  деҳаро  пурра таҳти  назорати  худ  гирифтаанд».