“Ҷавонон неруи созандаанд”-маҳфил дар ДДХ

 Хуҷанд, 11.12.2015 (АМИТ «Ховар»). -Дар Донишгоҳи давлатии Хуҷанд ба номи академик Б. Ғафуров таҳти унвони “Ҷавонон неруи созандаанд”  бо иштироки донишҷӯёну устодони  донишгоҳ чорабинӣ доир гашт. 
Тавре ки ба АМИТ “Ховар” аз раёсати донишгоҳ иттилоъ доданд, чорабинии мазкур  тибқи нақшаи чорабиниҳои муштараки ташкилоти ибтидоии  донишгоҳ бо ҳамдастии намояндагони РВКД ҶТ дар вилояти Суғд ва Агентии назорати маводи нашъаовари назди Президенти ҶТ дар  вилоят баргузор гардид. 
 Иштирокдорон оид ба пешгирии ҳодисаҳои номатлуби иҷтимоӣ, аз қабили ҷинояткориву ҳуқуқвайронкунӣ, шомилшавии  ҷавонон ба ҳизбу ҳаракатҳои экстремистиву террористӣ, чун «Салафия», «Таҳрир»,  иштироки бархе аз  ҷавонони гумроҳ дар  ҷангҳои Сурияву Ироқ,  масъулияти падару модар, омӯзгор ва муассисаи таълимӣ  дар таълиму тарбияи фарзанд ва  нашъамандию нашъаҷаллобӣ  сухан гуфтанд.