Бахш оид ба корҳои дини Файзобод 22 машварати судманд доир кард

Файзобод, 3.12.2015. (АМИТ «Ховар»).- Бахш оид ба корҳои  дини назди Мақомоти иҷроияи ҳокимияти давлатии ноҳияи Файзобод соли равон  дар ҷамоатҳои  шаҳраку деҳот, ташкилоту муассисаҳои таълимӣ  оид ба танзими  анъана ва ҷашну маросим,  камхарҷ гузаронидани  онҳо,  пешгирии  гаравидани  ҷавонон ба ҳизбу ҳаракатҳои  экстремистӣ  ва ифротгароӣ, хусусан ҷангҳои  дохилии Сурия, ки имрӯз баъзе ҷавонон  аз сабаби дур мондан  аз илму дониши муосир дар он ҷангҳои бемаънӣ ширкат варзида, ба номи миллати соҳибфарҳанги тоҷик иснод меоранд, бо сокинони шаҳраку деҳот, раисони  маҳаллаҳо, имомхатибони маасҷидҳои ҷомею панҷвақта  ва дигар фаъолони  маҳаллаҳо 443 суҳбату вохӯрӣ гузаронид.  
 Дар давраи ҳисоботӣ  бахш оид ба корҳои дини ноҳия   22 маротиба   машварат  доир намуда, дар ҳамкорӣ бо комиссияҳои доимӣ  ва ҷамъиятӣ  санҷишҳои муштарак гузаронид, ки дар натиҷа  4 қонуншикании иттиҳодияҳои динӣ  ба қайд гирифта шуда, гунаҳгорон 1120 сомонӣ   ҷаримабандӣ шуданд.