Дар Чин ҷавонмард баъд аз 67 соат пас аз фуромадани ярч наҷот ёфт

Душанбе, 23.12.2015. (АМИТ «Ховар»). -Дар шаҳри Шенчжени Чин (музофоти Гуандун) ҷустуҷӯи 70 нафар гумшудагон дар минтақаи ярч фуромада идома дорад. Чунонки ТАСС бо ишора ба ВАО-и маҳаллӣ хабар медиҳад, наҷотдиҳандагон ҷавони 19- соларо наҷот доданд, ки муддати 67 соат дар зери харобаҳо қарор дошт. Ҷавон ба бемористон расонида шуд.
Дар амалиёти ҷустуҷӯӣ ва наҷотдиҳӣ тақрибан се ҳазор нафар иштирок доранд ва 330 воҳиди техникӣ ҷалб шудааст. Ҳукуматдорон 600 нафар сокинонро бо манзил таъмин намуданд,  900 нафари дигар кӯчонида шуданд. Зимнан, чунонки мутахассисон хабар медиҳанд, хатари дубора фуромадани ярч аз эҳтимол дур аст.
Фуромадани ярч субҳи якшанбе бо вақти маҳаллӣ дар Боғи саноати Люксӣ ба амал омад. Ба гуфтаи намояндаи мақомоти шаҳрдорӣ, хокҳои фуромада 380 ҳазор метри мураббаъ масоҳати заминро фаро гирифтанд, ки ғафсии қабати хок дар баъзе ҷойҳо ба 10 метр мерасид.  Ярч 33 биноро ба шикасту харобии  сахт оварда расонид.