Дар Нангарҳор 13 нафар ҷангиёни «Толибон» ва «Давлати исломӣ» маҳбас шуданд

Душанбе, 01.12.15. (АМИТ «Ховар»). — Чанде  пеш  дар  вилояти  Нангарҳори  Афғонистон амалиёти  Раёсати  амнияти  миллӣ  сурат  гирифта,  дар  ҷараёни он 13  нафар  ҷангиёни  гурӯҳҳои  «Толибон» ва  «Давлати  исломӣ»  маҳбас  шуданд.
Мувофиқи  ҳисоботи расмии  Раёсати  амнияти  миллӣ, силоҳбадастон қабл  аз  дастгир шуданашон  дар  фаъолияти  зиддиҳукуматӣ  дар  ҳудуди  вулусволиҳои  Батикот, Назян, Чапархор ва Ғанихейл иштирок  доштанд. 
Дар  ҷараёни  амалиёт аз  қувваҳои шӯришгар  якчанд бастаи   либоси  ҳарбӣ, ки  барои   пардапӯшӣ,  истифода  мешуданд, ҳамчунин  асбобҳои тарканда ва маводи  дигар  барои роҳандозии  тахрибкорӣ  мусодира гардид. 
Баъди  истинтоқ  маълум  шуд, ки  баъзе  ҷангиёни дастгиршуда  табааи  Покистони  ҳамсоя  мебошанд, хабар  медиҳад  Агентии  иттилоотии  «Хома пресс».