Дар шимоли Фаронса як пайрави «Давлати исломӣ» бо корд ба муаллим ҳамла кард
Душанбе, 14.12.2015 (АМИТ «Ховар») .- Дар шимоли Фаронса як мард бо корд ба муаллими кўдакистон ҳамла кард. Дар ин бора «Reuters» иттилоъ медиҳад.
Ҳамлагар, ки зуд фирор кард, фурсат ёфт худро аз номи «Давлати исломӣ» муаррифӣ намояд. Ин ҳамла пас аз як моҳ аз силсилаи ҳамлаҳои террористӣ дар Париж сурат гирифт.
Бино ба маълумоти ВВС, ҳамлагар бе ягон яроқ вориди кӯдакистон шуда, ҳангоми ҳамла ба муаллим, ки дар синфхона танҳо буд, аз ашёи нахустини ба дасташ афтода истифода кард. Ӯ пеш аз ҳамла бо нидои «Ин «Давлати исломӣ» аст! Ин огоҳӣ аст!» фарёд мезанад.
Муаллим аз гулӯяш ҷароҳат бардошта, дар бемористон бистарӣ шуд. Ба иттилои «Le Figaro» ба ҳаёти ҷабрдида хатар таҳдид намекунад.
Ба ҳамлагар муяссар шуд, ки фирор кунад. Бино ба иттилои расонаҳо, ӯ воситаи нақлиёт надошт. Мақомоти ҳифзи ҳуқуқ, ки фаъолияти зиддитеррористӣ мебаранд, ба ҷустуҷӯи пайрави ДИ оғоз кардаанд.
Ҳамла ба муаллими кўдакистон дар коммунаи Обервиле, ки бо Сен-Дени Париж ҳамсарҳад аст, рух дод.
Пештар полис дар ин ҷо барои дастгир кардани иштирокдорони силсилатаркишҳои террористӣ дар Париж амалиёти зиддитеррористӣ анҷом дода буд.
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
