Ховалинг: Баррасии масоили ҷудошавии оилаҳо дар мулоқот бо занон

Ховалинг, 2.12.2015. (АМИТ «Ховар»).-Бахши кор бо занон ва оилаи мақомоти иҷроияи ҳокимияти давлатии вилояти Хатлон дар ноҳияи Ховалинг бо фаъолони ноҳия мулоқот доир намуд, ки дар он бисёр масъалаҳои марбут ба оила ва хусусан рӯзгори занон мавриди таваҷҷуҳ қарор гирифтанд. Ба қавли Қумринисо Сангалиева, корманди бахши кор бо занон ва оилаи ҳукумати вилояти Хатлон яке аз масъалаҳои доғи рӯз-ин ҷудошавии оилаҳои ҷавон мебошад. 
Дар ҷамъомад зикр шуд, ки то ҳанӯз баъзе шаҳрвандон бархилофи Қонуни Ҷумҳурии Тоҷикистон «Дар бораи танзими анъана ва ҷашну маросим», Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва дигар қонунҳои амалкунанда тӯю маъракаҳои хешро бо исрофкорӣ мегузаронанд, ки бояд занону модарон садди роҳи ин қонуншиканиҳо гарданд.
Бино ба иттилои дастандаркорон аз рӯи нақшаи бахши  кор бо занон ва оилаи мақомоти иҷроияи ҳокимияти давлатии вилояти Хатлон чунин вохӯриҳоро дар дигар шаҳру ноҳияҳо гузаронида мешщаванд.