Ифтитоҳи Муассисаи томактабии хусусии “Зебунисо” дар шаҳри Душанбе
Душанбе, 06.12.2015. (АМИТ «Ховар»). — Субҳи имрӯз Президенти Ҷумҳурии Тоҷикистон Эмомалӣ Раҳмон дар ноҳияи Шоҳмансури шаҳри Душанбе Муассисаи томактабии хусусии Зебунисоро ифтитоҳ намуд.
Зимни шиносоӣ ба Сарвари давлат Эмомалӣ Раҳмон иттилоъ доданд, ки корҳои сохтмонӣ дар ин муассисаи наву замонавӣ 7 июни соли 2012 оғоз гардида, он соли 2015 пурра бунёд карда шуд.
Муассисаи мазкур барои 150 нафар дар як баст сохта шуда, дар он 35 нафар, аз ҷумла мураббияҳо, табибон ва дигар кормандони соҳа бо ҷойи кори доимӣ таъмин шуданд.
Масоҳати умумии муассисаи хусусии томактабӣ 2350 метри мураббаъ буда, барои бунёди он фармоишгар — Ҷамъияти дорои масъулияти маҳдуди Континент — инвест 3 миллиону 500 ҳазор сомонӣ сарф кардааст.
Дар муассисаи томактабии хусусии Зебунисо 7 утоқ, аз ҷумла синфхонаи таълимӣ, барои машғулиятҳои эҷодӣ, ҷойи машқи бадан ва ҳавзи шиноварӣ, ошхона ва бунгоҳи тиббӣ мавриди истифода қарор дода шуд.
Дар муассисаи томактабӣ хонаи махсус бо камераҳои назоратӣ омода шудааст, ки волидон метавонанд ба воситаи он аз ҷараёни таълиму тарбияи фарзанди хеш шинос шаванд.
Муассисаи мазкур дар қисми поёнии ду бинои нави 12 ошёна ҷойгир аст ва ин бино аз ҷониби сохтмончиёни Ҷамъияти Саҳҳомии Кушодаи Фаровон — сохтмон бунёд шудааст.
Дар вақти шиносоӣ бо шароити таълиму тарбия ва истироҳати кудакон Сарвари давлат Эмомалӣ Раҳмон ба кори сохтмончиён баҳои арзанда дода, ин иқдоми соҳибкорони ватаниро амали хубе барои ободкорию созандагӣ, ба тарбия фаро гирифтани насли оянда ва таъсиси ҷойҳои нави корӣ маънидод кард.
Президенти мамлакат таъкид намуд, ки барои баланд бардоштани сатҳи донишу маърифати кӯдакон ҳануз аз синни хурдӣ бояд чунин муассисаҳои томактабӣ бештар таъсис дода шавад.
Кормандони Муассисаи томактабии хусусии Зебунисо ва кудакони хушиқболи даврони соҳибистиқлолӣ ба Сарвари давлат Эмомалӣ Раҳмон барои ин туҳфаи арзанда изҳори сипос карданд.
Баъди ифтитоҳи муассисаи томактабӣ дар ҳаминҷо муаррифии лоиҳаҳои дар пойтахт бунёдшаванда доир гардид.
Ба Сарвари давлат лоиҳаҳои муассисаҳои типи нави томактабӣ намоиш дода шуд.
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
