Ифтитоҳи ҳуҷраи кории нозир оид ба пешгирии зӯроварӣ дар оила

Душанбе,2.12.2015. (АМИТ «Ховар»).-Дар  ШВКД дар ноҳияи Қумсангир   ҳуҷраи кории нозир оид ба пешгирии зӯроварӣ дар оила кушода шуд.
Муовини раиси Ҳукумати ноҳияи Қумсангир Тағоймурод Ҳасанов миннатдории роҳбарияти ҳукумати ноҳияро ба намояндагони Вазорати корҳои дохилӣ ва САҲА барои кушодани чунин ҳуҷраи корӣ иброз намуд.
Зикр гардид, ки ҳукумати ҷумҳурӣ ва роҳбарияти Вазорати корҳои дохилӣ барои баланд бардоштани маърифати ҳуқуқии занону духтарон тадбирҳои мушаххас андешида, барои пешгирии зӯроварӣ дар оила чорабиниҳои мақсаднок доир менамоянд.  
Ҳамоҳангсози миллӣ оид ба ислоҳоти милитсия А.Б. Бобоназарзода зикр кард, ки ин иқдом дар доираи стратегия ва Барномаи ислоҳоти милитсия амалӣ гардида, чунин ҳуҷраҳои корӣ бо дастгирии САҲА дар Тоҷикистон дар дигар минтақаҳои  кишвар низ роҳандозӣ мегарданд.