Кӯлоб: Ҳамоиш барои баланд бардоштани ҳисси ватандӯстӣ

Кӯлоб, 3.12.2015. (АМИТ «Ховар»).-Бо иштироки намояндагони Прокуратураи ҷумҳурӣ дар шаҳри Кӯлоб  доир ба  хатари экстремизму терроризм, баланд бардоштани ҳисси ватандӯстии сокинон ва пешгирӣ аз ҷинояткорӣ чорабинӣ доир гардид. 
Дар он кормандони касбу кори гуногун, ҷавонону донишҷӯён иштирок доштанд. Дар  чорабинӣ зикр шуд, ки равандҳои навин ба пайдоишу таҳдиди хатарҳои нав, аз қабили терроризму экстремизм, ҷинояткории муташаккили байналмиллалӣ, кӯч бастани садҳо ҳазор шаҳрвандони давлатҳои ҷангзада ба дигар кишварҳо ва дар ин замина мураккаб гардидани вазъи сиёсӣ-иқтисодӣ ва иҷтимоӣ дар гӯшаҳои гуногуни олам мусоидат намудаанд. Ин тамоюлҳои манфӣ, аз ҷумла бӯҳрони ҷаҳонии молиявӣ ва болоравии сатҳи экстремизми сиёсӣ ва динӣ ба Ҷумҳурии Тоҷикистон низ бетаъсир намондаанд. 
Зикр шуд, ки баҳри амнияту суботи кишвар чунин вохӯриҳо дар дигар шаҳру ноҳияҳои мамлакат гузаронида хоҳанд шуд.