Лоиҳаи “Беҳтаркунии хизматрасонии тиббӣ”

Душанбе, 7.12.2015. (АМИТ «Ховар»).-Семинари корӣ доир ба раванди пешрафти фаъолияти Лоиҳаи “Беҳтаркунии хизматрасонии тиббӣ” дар доираи маблағгузории натиҷаи фаъолият ва маблағгузории муассисаҳои кумаки аввалияи тиббию санитарӣ бо усули маблағгузории сарикасӣ ҳамаи масъулини соҳаро дар шаҳри Душанбе ба ҳам овард. 
Муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Лола Бобоҳоҷиева  оид ба татбиқи Лоиҳаи “Беҳтаркунии хизматрасонии тиббӣ” маълумот пешкаш намуд.
Амалисозии лоиҳаи “Беҳтаркунии хизматрасонии тиббӣ” дар ноҳияҳои таҷрибавии вилоятҳои Суғд ва Хатлон, натиҷаҳои верификатсияи гузаронидашуда, камбудиҳо ва ҳалли роҳҳои онҳо, верификатсияи мустақил,    натиҷаҳои амалисозии МАНФ ва маблағгузории муассисаҳои КАТС бо усули  маблағгузории сарикасӣ, маблағгузории муассисаҳои КАТС аз рӯи натиҷа, пешравӣ аз рӯи нишондиҳандаҳои сифат ва натиҷаи қисмати СИИ МАНФ    мавзӯъҳое буданд, ки мавриди баҳсу андешаи иштирокдорон қарор гирифтанд.