Маскав: Амрико наметавонад дар баробари ҳамлаи мушаки «Солавей»-и Русия муқовимат кунад

Душанбе, 17.12.2015. (АМИТ «Ховар»). — Фармондеҳи неруҳои мушакии стратегии Русия мегӯяд, системаи мушакии ин кишвар метавонад сипари зиддимушакии Амрикоро безарар созад.
Сергей Каракаев рӯзи чоршанбе гуфт: «Арзёбии мутахассисони мо нишон медиҳад ки бо таваҷҷуҳ ба тавоноии таҳлилдода ва қудрати паррондан, сомонаи дифои зиддимушакии Амрико, ки имрӯз мустақар шуд, наметавонад дар баробари ҳамлаи густардаи мушаки «Солавей»-и неруҳои  стратегии Русия муқовимат кунад».
Вай бо баёни ин ки сомонаи дифои зиддимушакии Амрико наметавонад ҳамлаи мушакии Русияро дафъ кунад, зикр намуд, ки  сипари дифоии Амрико дар оянда пешрафтатар хоҳад  шуд.
Ин мақоми Русия ҳамчунин эълом кард, ки  неруҳои стратегии Русия 16 мавриди озмоиши мушакҳои дурпарвозро дар соли 2016 анҷом хоҳанд дод.
Сипас ў  афзуд, ки барномарезони  низомии Русия иқтидори  навзуҳури сомонаи дифои мушакии НАТО- ро низ дар назар гирифтаанд.
Каракаев  ин изҳоротро дар ҳоле баён кард, ки истиқрори сомонаҳои мушакии Амрико дар кишварҳои аврупоӣ, бахусус Аврупои шарқӣ эътирози мақомоти Русияро ба вуҷуд овардааст. Мақомоти Маскав борҳо дар бораи истиқрори сомонаҳои мушакӣ дар манотиқи шарқии Аврупо ҳушдор дода буданд.