Маскав: Анқара бояд кафолат диҳад, ки чунин ҳодиса дар оянда рух намедиҳад

Душанбе, 17.12.2015. (АМИТ «Ховар»). — Мақомҳои давлати Анқара бо пардохти ҷуброн ба Маскав ба хотири сарнагун кардани бомбаафкани русӣ мухолифат кардаанд.
Балиҷик Тонҷў, сухангўйи  Вазорати хориҷии Туркия, рӯзи чоршанбе гуфт: «мавқеи мо дар баробари  Русия мушаххас аст ва аз ин рӯ, баровардани ин хостаи Маскав ғайримумкин аст».
Балиҷик дар ҳоле ин изҳоротро матраҳ кард ки Алексей Мошков, муовини вазири хориҷии Русия рӯзи чоршанбе гуфта буд, Туркия бояд ба хотири сарнагун кардани ҳавопаймои низомии Русия товон  бипардозад.
Мошков ҳамчунин афзуд: «Анқара бояд кафолат диҳад, ки чунин ҳодиса  дар оянда рух намедиҳад».
Сухангўи Вазорати хориҷии Туркия ҳамчунин дар вокуниш ба ин суханон гуфт: «Русия бояд паймон диҳад, ки  бори дигар ҳарими ҳавоии Туркияро нақз намекунад».