Мулоқоти C. Аслов бо Дабири кулли Созмони амният ва ҳамкорӣ дар Аврупо

Душанбе, 5.12.2015. (АМИТ “Ховар”). — 3 декабри соли 2015 дар Белград, Сербия дар ҳошияи иҷлоси 22-юми Шӯрои вазирони корҳои хориҷии Созмони амният ва ҳамкорӣ дар Аврупо (САҲА) мулоқоти Вазири корҳои хориҷии Тоҷикистон Сироҷидин Аслов бо Дабири кулли созмони мазкур Ламберто Занниер баргузор гардид.
Л. Занниер аз сатҳи ҳамкориҳои Созмон бо Ҷумҳурии Тоҷикистон изҳори қаноатмандӣ намуда, иштироки кишварро дар фаъолияти САҲА муҳим арзёбӣ намуд.
Зимни мулоқот С. Аслов бо дарназардошти чолишҳои муосир аз созмони мазкур ва ниҳодҳои он даъват ба амал овард, ки ба ба талошҳои кишварҳои минтақа ҷиҳати таъмини амнияти минтақавӣ мусоидати фаъолтар дошта бошанд. Ҷонибҳо дар масъалаҳои мусоидати Созмон ба раванди татбиқи уҳдадориҳои Ҷумуҳурии Тоҷикистон дар ҳар се ченаки САҲА ва ҳамкориҳо дар соҳаҳои мубориза бо терроризм, гардиши ғайриқонунии маводи мухаддир, аслиҳа ва савдои одамон ва дигар мавзӯъҳои мавриди тававвуҳи тарафайн мубодилаи афкор намуданд.