«Мусиқии водии Ҳисор»-маҳфил дар Консерваторияи миллии Тоҷикистон

Душанбе, 18.12.2015. (АМИТ «Ховар»).- Имрӯз дар Консерваторияи миллии Тоҷикистон ба номи  Талабхӯҷа Сатторов маҳфили консертии «Мусиқии водии  Ҳисор» доир гардид. 
Дар маҳфил сурудҳои мардумӣ, ки дар тӯли ҳазорҳо сол аз аср ба асру аз насл ба насл гузаштаанд, аз ҷониби  санъаткорони ҷавону умедбахш   бо мусиқии ҷаззобу дилнавоз  иҷро  шуданд. Роҳбари бадеии барномаи мазкур ҳофизи мумтоз Убайдуллои Каромат буд.
Махсусан сурудҳои «Ёзихонӣ», «Ту садбарги кадом боғӣ», «Духтар аз Қаратоғ»,  «Ҳай гулай» ва «Чорзарби Ҳисор» мавриди писанди аҳли маҳфил гардиданд. Дар ҳақиқат санъаткорони водии Ҳисор дар рушди санъати миллии  тоҷик нақши намоён доранд.