Нақшаи пардохтҳои суғуртавӣ дар Ваҳдат 138 фоиз иҷро гардид

Ваҳдат, 2.12.2015. (АМИТ «Ховар»). — Дар шаҳри Ваҳдат  аз ҳисоби ҳама намудҳои  суғурта  дар нуҳ моҳи соли ҷорӣ  1 миллиону 664 ҳазору  176 сомонӣ  пардохти  суғуртавӣ ворид   гардид, ки ба 138  фоизи нақша баробар аст.  Пардохтҳои воридгардида  дар қиёс нисбат ба ҳамин давраи соли гузашта  175 ҳазору  959 сомонӣ  зиёд мебошад.
  Дар ин давра аз рӯйи ҳама намудҳои  сууғурта  бо 25 ҳазору  307 нафар  шартномаи суғуртавӣ баста шуд.  Дар соли 2015  ба 1 ҳазору  401 нафар барои зарари расида ба ҳаёту саломатӣ  ва амволашон дар натиҷаи офатҳои табиӣ ва садамаҳои нақлиётӣ ба маблағи 1 миллиону 20 ҳазор сомонӣ  суғуртапулӣ дода шуд.
  Дар соли равон  ба буҷети ҷумҳурӣ  632 ҳазору  209 сомонӣ  андоз пардохт гардид, ки  80 ҳазор сомонии он  андози фонди ҳифзи иҷтимоӣ мебошад.