Ғорат намудани телефони қимматбаҳо

Душанбе, 24.12.2015. (АМИТ «Ховар»). — Ба ШВКД-2 дар ноҳияи Сино зани 23-солаи сокини шаҳри Душанбе муроҷиат намудааст, ки 22 декабри соли равон, тахминан  соати 14:30 шахси номаълум дар назди кӯчаи Испечаки пойтахт бо роҳи зӯроварӣ аз дасташ як телефони мобилии тамғаи “Самсунг”-ро, ки арзишаш 3000 сомониро ташкил медиҳад, тасарруф  намуда, аз ҷойи ҳодиса ғайб задааст. 23 декабр пас аз роҳандозӣ намудани чорабиниҳои фаврӣ-ҷустуҷӯӣ сокини24-солаи ш. Душанбе аз ҷониби кормандони милитсия ҳамчун гумонбар дар содир намудани ҷинояти ғоратгарӣ дастгир гардид. Далели шайъӣ гирифта шуд. Нисбат ба гумонбаршуда парвандаи ҷиноятӣ оғоз гардида, тафтиш идома дорад.