Паймони кишварҳои НАТО дар мавриди ҳузурашон дар Афғонистон

Душанбе, 03.12.15. (АМИТ «Ховар»). — Дар ҳошияи  ҳамоиши  НАТО дар  шаҳри  Брюссел ҷаласа  бахшида ба вазъияти  Афғонистон  ва  дурнамои намояндагии  «Дастгирии қатъӣ» ба  манзури  мусоидат ба  мақомоти ҳифзи  ҳуқуқи  кишвар баргузор гардид. 
Тавре  ки  Дабири  кулли  НАТО Йенс  Столтенберг  дар  нишасти  матбуотӣ изҳор  дошт,  иштирокдорони  чорабинӣ дар  бораи соли  2016 давом  додани ҳузури  низомиён  ҳам дар  пойтахти Ҷумҳурии  Исломии  Афғонистон  ва  ҳам  берун  аз  ҳудудҳои он  созиш карданд. Дар  ҳоли  ҳозир  тағйироти   зиёди  теъдоди  умумии  ҷузъу  томҳои низомӣ, ки қариб 12  ҳазор хидматчиёнро  ташкил  медиҳанд, дар  давоми  сол  ба  назар  гирифта нашудааст. 
Вазирони корҳои  хориҷии  кишварҳои  аъзои  эътилоф  нақшаҳои  маблағгузории  минбаъда ба  қувваҳои  Афғонистонро  мавриди  муҳокима қарор  доданд. Дар  ҷараёни  ҷаласа  бархе  ҷонибҳо  ваъдаҳои  мушаххас  доданд, вале  дар  бораи  тахсиси маблағҳо  барои   дастгирии  мақомоти  ҳифзи  ҳуқуқ то соли  2020 тасмими  қатъӣ гирифта нашудааст. 
Ғайр  аз  ин,  дар  ҷараёни  ҷаласа  вазифаи густариши ҳамкорӣ бо  Афғонистон, аз ҷумла  дурнамои минбаъдаи  ҳузури Эътилоф баъди  анҷоми  фаъолияти намояндагии «Дастгирии  қатъӣ»  зикр  гардид,  хабар  медиҳад  дафтари  матбуоти  НАТО.