Пешниҳоди Ш.Саид дар мавриди ташкили Шӯрои тиҷоратии «Тоҷикистон — Ҳиндустон»
Душанбе, 17.12.15. (АМИТ «Ховар»). — Дар ҷараёни мулоқоти раиси Палатаи савдо ва саноати Тоҷикистон Шариф Саид бо сафири Ҷумҳурии Ҳиндустон дар ҶТ Бираҷа Прасад вазъу дурнамои ҳамкорӣ дар бахши тиҷорату иқтисод ва рушди ҳамкории миёни палатаҳо мавриди муҳокима қарор гирифтанд.
Шариф Саид зимни мулоқот изҳор дошт, ки барои татбиқи лоиҳаи муштарак дар бахшҳои нерӯи барқ, нақлиёт ва коммуникатсия, металлургияи ранга, саноати маъдан, кимиё, нассоҷӣ, сабук ва хӯрокворӣ, коркарди махсулот, кишоварзӣ, ҳамчунин дар бахшҳои технологияҳои муосир, сайёҳӣ ва илму маориф имконоти зиёде вуҷуд дорад. Шариф Саид пешниҳод намуд, ки масъалаи таъсиси Шӯрои тиҷоратии «Тоҷикистон — Ҳиндустон» ва ташкили намояндагиҳои муштараки тиҷоратию иқтисодӣ баррасӣ шавад.
Бираҷа Прасад дар навбати худ гуфт, ки «кишварҳои мо заминаи рушди ҳамкории мутақобилан муфиди тиҷоратию иқтисодиро доранд ва кӯшиш менамоем, ки барои густариши минбаъдаи он чораҳои зарурӣ бинем».
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
