«Рушди соҳибкории истеҳсолӣ: дастовардҳо, мушкилот ва дурнамо»-конфронси илмию амалӣ

Душанбе, 29.12.2015. (АМИТ «Ховар»).-Имрӯз дар Маркази татқиқоти стратегии назди Президенти Ҷумҳурии Тоҷикистон зери  унвони «Рушди соҳибкории Истеҳсолӣ: дастовардҳо, мушкилот ва дурнамо» конфронси илмию амалӣ баргузор гардид, ки дар кори он намояндагони вазорату идораҳои дахлдори давлатӣ, бонкҳо, намояндагони бахши хусусӣ, созмонҳои инкишофи соҳибкорӣ, пажуҳишгоҳҳои илмӣ-татқиқотӣ ва муассисаҳои таълимии олӣ дар масъалаҳои «Шароитҳои макроиқтисодии рушди фаъолияти соҳибкории истеҳсолӣ», «Бонкдорӣ ва соҳибкорӣ», «Ислоҳоти бахши саноат дар Ҷумҳурии Тоҷикистон», «Саноати коркарди меваву сабзавот ва қолинбофӣ дар корхонаҳои хурд», «Раванди татбиқи баъзе аз барномаҳои давлатӣ дар соҳаи саноатӣ сабук»  сухан гуфтанд.
 Бояд гуфт, ки мақсад аз баргузории  конфронс муайян намудани мушкилот ва монеаҳои ҷиддии маъмуриву сунъӣ, сатҳи ҳамкории давлату бахши хусусӣ дар самти фаъолияти рушди соҳибкории истеҳсолӣ ва ҳамзамон ҷустуҷӣ ва дарёфти роҳҳои таъмини самаранокии рушди минбаъдаи фаъолияти соҳибкории истеҳсолӣ дар ҷумҳурӣ арзёбӣ мешавад.