Саҳми кормандони ғайриштатии милитсия дар мубориза бо қонуншиканӣ

          Душанбе, 15.12.2015. (АМИТ «Ховар) —  Дар толори Воҳиди махсуси ВКД оид ба таъмини бехатарии Сарвари давлат ва меҳмонони олиқадр чорабинии мақсаднок бо иштироки роҳбарият ва ҳайати шахсии Воҳиди махсус ва кормандони ғайриштатӣ доир гардида,  сардор оид ба кор бо ҳайати шахсии Воҳиди махсуси ВКД Ширинбекзода Сарабек зикр кард, ки барои ҳифзи тартиботи ҷамъиятӣ кормандони мақомоти ҳифзи ҳуқуқ бояд ба шаҳрвандон  такя намоянд.
Дар тақвияти ин гуфтаҳо сардори Воҳиди махсуси ВКД Ҳамидзода Бароталӣ гуфт,  ки кормандони ғайриштатӣ бояд ҳамкориро бо мардум бештар ба роҳ монда, дар ҳифзи тартиботи ҷамъиятӣ ва мубориза бо қонуншиканиҳо фаъолона иштирок намоянд. 
       Ҳамчунин номбурда 18  корманди ғайриштатиро барои саҳми арзанда  ва ҳамкории бевосита бо кормандони Воҳиди махсус бо туҳфаҳои хотиравӣ қадрдонӣ намуд.