Семинар оид ба технологияи бунёд, башаклдарорӣ ва парвариши боғҳо дар Ёвон

Ёвон, 10.12.2015 (АМИТ «Ховар»). -Дар  ноҳияи Ёвон оид ба технологияи бунёд, башаклдарорӣ  ва  парвариши боғҳо  семинар баргузор гардид, ки он аз қисми амалӣ ва  назариявӣ иборат буда,  дар  доираи семинар  иштирокдорон   бо  техникаи кишоварзӣ бо иштироки роҳбарияти КВД  «Тоҷикагролизинг»  дар  ЧДММ  шинос  шуданд. Дар кори ҷаласа Давлатшоҳ Гулмаҳмадзода, раиси вилояти Хатлон,  Ҳ. Назаров, директори Институти боғпарварӣ ва сабзавоткорӣ, С. Гулов, директори маркази такмили ихтисоси кадрҳои КАС, И. Шоев, директори КВД «Тоҷикагролизинг», Н. Табаров, сардори Хадамоти назорати давлатии фитосанитарӣ ва карантини растаниҳо, М. Ормонов, сардори муассисаи давлатии муҳофизати растаниҳо ва химикунонии кишоварзӣ ва раисони шаҳру ноҳияҳо, роҳбарони ташкилоту муассисаҳои вилоятӣ, сардорони раёсатҳо ва шуъбаҳои кишоварзӣ, масъулини шуъбаи ҳифзи муҳити зист, раисони ҷамоатҳо ва роҳбарони хоҷагиҳои ниҳолпарварӣ иштирок намуданд.
Семинар оид ба истифодаи самараноки  замин, парвариши ниҳолҳо ва аз ҷиҳати сифату серҳосилӣ ҷавобгӯ будан ба талаботи рӯз буда, иштирокдорон аз он барои такмили боғдорӣ ва парвариши меваҳои ситрусӣ, сохтмони гармхонаҳои доимӣ аз масъулину мутахассисони соҳа дар илму амал баҳравар гардиданд.