Ш. Зуҳуров бо намояндагони Форуми парламентарҳои Осиё оид ба аҳолӣ ва рушд ва хазинаи нуфуси СММ мулоқот намуд
Душанбе, 3.12.2015. (АМИТ «Ховар»).-Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо намояндагони Форуми парламентарҳои Осиё оид ба аҳолӣ ва рушд ва хазинаи нуфуси Созмони Миллали Муттаҳид хонум Мика Марумото — директори иҷрояи ташкилоти байналмилалии АФПНР, Азиза Ҳомидова -роҳбари Хазинаи нуфуси СММ дар Тоҷикистон ва ҳамроҳони онҳо мулоқот намуд. Дар ҷараёни мулоқот роҷеъ ба таҳкими ҳамкориҳои байнипарлумонӣ миёни Маҷлиси намояндагони Ҷумҳурии Тоҷикистон ва намояндагони форуми парламентарҳои осиё оид ба аҳолӣ ва рушд ва хазинаи нуфуси Созмони Милали Муттаҳид изҳори назар шуд.
Раиси Маҷлиси намояндагони Маҷлиси Олии Ҷумҳурии Тоҷикистон иброз намуд, ки мо хазинаи нуфуси Созмони Миллали Муттаҳидро ба ҳайси муассисаи муқтадири байналмилалӣ оид ба масъалаҳои рушд мешиносем ва аз талошҳои бардавоми он барои ҳалли мушкилоти печидаи башарият комилан огоҳем.
Шукурҷон Зуҳуров афзуд, ки намояндагӣ дар фаъолияти худ ҳамеша ба афзалиятҳои миллӣ такя мекунад ва бо Ҳукумати Ҷумҳурии Тоҷикистон дар ҳамкории зич қарор дорад. Ин ҳамкорӣ, бахусус, дар самтҳои солимии репродуктивӣ, баробарии гендерӣ, нуфус ва рушд назаррас ва пурсамаранд. Дар ин давра, тибқи гузоришҳои Созмони Миллали Муттаҳид, сатҳи камбизоатӣ дар Тоҷикистон якчанд баробар коҳиш ёфтааст, солимии репродуктивӣ дастраси ҳамагон шудааст ва муриши модарону атфол бамаротиб камтар гаштааст.
Раиси Маҷлиси намояндагон ҳамчунин таъкид намуд, ки дар самти дифоъ аз ҳуқуқи занону духтарон ҳам дастовардҳо зиёданд. Баробарии гендерӣ меъёри ҳаётан муҳими шоистагии воқеии ҷомеа эътироф гашта, бонувони тоҷик ҳуқуқу имкониятҳои худро беҳтар шинохтанд. Занҳо дар Тоҷикистон нисфи аҳолиро ташкил медиҳанд ва имрӯз онҳо такягоҳи боэътимоди иқтисодиву иҷтимоӣ ва неруи пешбарандаи соҳибкорӣ ба ҳисоб мераванд. Мо иштироки бонувонро дар ҳаёти сиёсии мамлакат низ унсури муҳими рушди ҷомеа ва таҳкими субот мешуморем.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
