Шойгу: Русия ва Тоҷикистон бинобар пайдо шудани ДИ дар Афғонистон дучори хавфу хатарҳои нав гардидаанд

Душанбе, 24.12.15. (АМИТ «Ховар»). — Русия  ва  Тоҷикистон бинобар  пайдо шудани «Давлати  исломӣ»  дар  Афғонистон дучори  хавфу  хатарҳои  иловагӣ дар  минтақаи  амнияти  дастаҷамъӣ  гардидаанд, аз  ин рӯ вазъияти  минтақа  беҳтар намешавад. Вазири  мудофиаи  ФР Сергей  Шойгу  рӯзи  чоршанбе  дар  ин  бора  изҳорот  дод. 
«Ҳамаи  тахминот  мавҷуд  аст,  то мо тавонем дилпурона  бигӯем, ки дар  он  ҷо  ҷузву  томҳои  ДОИШ  пайдо  гардида,  хавфу  хатарҳои  нав  ба  миён  омадаанд.  Ин  хавфу  хатарҳо  ба  мо — иттифоқчиёни Аҳдномаи амнияти дастаҷамъӣ  таҳдид  мекунанд», — гуфт Шойгу зимни  мулоқот  бо ҳамтои  тоҷикистониаш  Шералӣ  Мирзо.
Шойгу изҳор  дошт, ки   Русия «ҳамаи  нақшаҳои   оид ба нав  кардани  аслиҳаи  қувваҳои  мусаллаҳи  Тоҷикистон,  вусъат  бахшидани  саъю  кӯшишҳои  пойгоҳи  Русияро  ҳам  аз  нигоҳи  авиатсионӣ  ва  ҳам  дар  самтҳои  дигар  иҷро  мекунад». Ин  тадбирҳо «ба сулҳу  суботи  минтақа  ба  куллӣ  таъсир  мерасонанд», —  гуфт  вазир. 
Вазири  мудофиаи  Тоҷикистон судмандии  нақшаи ҳамкории  ҳарбии Душанбею  Маскавро  зикр  намуда, пуштибониро  аз  амалиёти   зиддитеррористие, ки  Русия  зидди  ҷангиён  дар  Сурия   роҳандозӣ  менамояд,  иброз  дошт. «Мо бо  шумо  ҳамраъй ҳастем», —  гуфт Шералӣ   Мирзо.