Шукри истиқлолу ваҳдати комили Ватан

Файзобод,  16.12.2015. (АМИТ »Ховар»).-Соли   1991   халқи  тоҷик  рӯзҳои  мудҳиштаринро  аз  сар  гузаронид. Оилаҳои  зиёд  аз  меҳри  падарӣ, бародарӣ ва фарзандӣ   маҳрум  гаштанд. Мардуми  зиёде  диёру  Ватани  худро  тарк  намуда,  ба  давлатҳои  дигар  фирор  карданд. Қариб  давлати  тоҷикон  аз  байн  мерафту  миллати  тоҷик  пароканда  мешуд. Маҳз дар ҳамин айём фарзанди  ҷонфидои  Ватан   Эмомалӣ  Раҳмон   ҷони  худро   дареғ  надошта, мардонавор   дар  музокироти  гуногун, ки  дар  Тоҷикистон  ва   берун  аз  он  баргузор  мегардиданд,  иштирок  намуда, мардуми  силоҳбадастро  ба  сулҳу   оромӣ   ҳидоят  менамуд. Бо шарофату  кӯшишу  ғайрати Эмомалӣ  Раҳмон  ҳадафҳои  нопоки   баъзе   душманони   халқи  тоҷик баръабас  рафтанд. Соли  1994  бо  тариқи  раъйпурсии  умумихалқӣ  аввалин  Сарқонуни  Чумҳурии  Тоҷикистон  қабул   шуд  ва  он  дар  давлати   навини   дунявӣ   нақши  муҳим   бозид. Бо   кӯшишу  ғайрати   Сарвари   давлат  ва  тамоми   халқи  тоҷик   соҳаҳои   иктисодиёт,   маориф,, тандурустӣ, кишоварзӣ  давра  ба  давра  рушду   тараққӣ  ёфтанд. Истиқлолият    дар  инкишофи  илму  маориф  таъсири   мусбат  расонид. 
Имрӯзҳо   мардуми тамоми  шаҳру  ноҳияҳои  кишвар  аз қабули  Қонуни Ҷуҳурии Тоҷикистон  «Дар бораи  Асосгузори сулҳу ваҳдати миллӣ — Пешвои миллат» самимона  ҷонибдорӣ доранд, чунки Тоҷикистонро ҷаҳониён маҳз бо  заҳмату  талошҳои  Эмомалӣ  Раҳмон шинохтаанд.