Қӯшунҳои сарҳадӣ: Пешгирии вайронкунии сарҳади давлатӣ
Душанбе, 1.12.2015. (АМИТ «Ховар»). -Дар натиҷаи гузаронидани чорабиниҳои махсуси фаврӣ-иктишофӣ 29 ноябри соли 2015 соати 04:00 дар яке аз минтақаи дидбонгоҳи сарҳадии Отряди сарҳадии «Панҷ» дар қитъаи сарҳади Тоҷикистону Афғонистон наряди сарҳадӣ бо гурӯҳи алоҳидаи махсуси қӯшунҳои сарҳадӣ вайронкунии сарҳади давлатиро пешгирӣ намуданд.
Як гурӯҳ қочоқчиёни афғон бо роҳбарии Малук валади Мулло Анвар дар вақти убури ғайриқонунии хатти сарҳад бо сарҳадбонони тоҷик рӯ ба рӯ мешаванд, ки дар натиҷа задухӯрди мусаллаҳона ба миён меояд. Ба муқовимати сарҳадбонони тоҷик тоб оварда натавониста, қочоқчиён аз торикии шаб истифода бурда, тариқи қамишзор ба самти Афғонистон фирор намуданд.
Ҳангоми азназаргузаронии мавзеи задухӯрди мусаллаҳона, аз ҷои ҳодиса 20 кг афюн, 6 кг ҳашиш ва 1 яроқи оташфишони АК дарёфт ва мусодира шуд.
Ҳоло нисбат ба ин ҳодиса аз тарафи кормандони РКДАМ ҶТ дар вилояти Хатлон корҳои тафтишотӣ идома доранд.
Дар ин бора Муҳаммад Улуғхоҷаев, сардори Маркази матбуоти Сарраёсати қӯшунҳои сарҳадии КДАМ Ҷумҳурии Тоҷикистон хабар дод.
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Таҳти ин унвон фестивали байналмилалӣ доир мегардад
«МегаФон Life»: замимае, ки ба он эътимод доранд
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
