Қӯшунҳои ҳукуматии Сурия ҳамларо ба Идлиб вусъат бахшиданд

Душанбе, 16.12.15. (АМИТ «Ховар»).  Қувваҳои  мусаллаҳи  Сурия  тайи  ҳафтаи  охир  нуҳ  деҳаи  музофоти  Алеппоро  озод  намуданд,  изҳор  дошт  сардори  Сарраёсати оперативии  Ситоди  умумии Қувваҳои  мусаллаҳи  ФР  Сергей  Рудской. 
«Қувваҳои  ҳукукуматӣ  дар  музофоти  Алеппо  минтақаи амниятиро  дар  атрофи фурудгоҳи  Квайрес  васеъ  намуда,  ҳамларо ба  самти ҷанубу  ғарбии Идлиб  вусъат  мебахшанд. Онҳо  тайи  ҳафтаи  охир  муқобилати  сахти  дастаҳои  душманро  шикаста, нуҳ  деҳаро озод  намуданд», — гуфт  С.Рудской ба  хабарнигорон.
Ба  гуфтаи  мавсуф, қувваҳои  мусаллаҳи  Сурия  бо дастгирии  ҳавопаймоҳои  Русия  ҳуҷумро  дар  саросари  ҷабҳа  идома дода, дар баробари  ин  дар  музофотҳои  Латакия,  Алеппо,  Ҳома, Ҳомс  ва  канори  шаҳри  Димишқ  муборибаҳои  шадид  рух доданд. 
«Ҷузву  томҳои террористон  талафоти  бузург  медиҳанд», —  гуфт  Рудской. Аз ин  пеш  дар  Ситоди  умумӣ  хабар  доданд, ки  артиши  Сурия  дар  Латакия  назорати  сарҳад   бо  Туркияро  вусъат  бахшидааст.