Суғд: Тақдими дастгоҳи атласу адрасбофӣ

Суғд, 8.12.2015. (АМИТ «Ховар»).-7 декабр дар маросими супурдани дастгоҳҳо ва шаҳодатномаҳо ба бонувони ҳунарманд, ки дар шаҳри Хуҷанд доир шуд, раиси вилоят Абдураҳмон Қодирӣ ба намояндаи вилояти Бадахшон Қурбонбегим Чоршанбиева Шаҳодатнома ва дастгоҳи атласу адрасбофӣ тақдим намуд.
Қурбонбегим Чоршанбиева аз он наврасонест, ки чанде боз бо сабаби офати табиии дар ВМКБ рухдода дар истироҳатгоҳи 20 — солагии Истиқлолияти Ҷумҳурии Тоҷикистони ноҳияи Ҷаббор Расулов сабақ меомӯзад.
Зимнан, духтарони бадахшонӣ низ дар Маркази омӯзиши ҳунарҳои миллии истироҳатгоҳи мазкур ҳунари аҷдодиро аз худ намуданд ва минбаъд дар зодгоҳи худ онро идома хоҳанд дод.