Суди иқтисодии шаҳри Душанбе: Даъвои бонк қонеъ гардонида шуд

  Душанбе, 10.12.2015. (АМИТ «Ховар) -Аз ҷониби судя Саъдуллозода С.Т., дар маҷлиси сайёри судӣ дар суроғаи шаҳри Душанбе, кӯчаи Железняк, хонаи 14  парванда бо даъвои Филиали ҶСП “Аввалин бонки молиявии хурд” дар ноҳияи Синои шаҳри Душанбе нисбат ба ҷавобгарон: Хушвахтова Рухсора Хайридиновна, Ҳайдаралиев Зокир Мадаминович ва Хушвахтов Хайридин оид ба  рӯёнидани маблағи қарз ба миқдори 20 ҳазору 628 доллари ИМА бо пули миллӣ 131 ҳазору 287 сомонӣ, аз ҳисоби амволи ба гарав гузошташуда  баррасӣ гардида,  даъвои бонки мазкур нисбат ба ҷавобгарон қонеъ гардид.
           Аз ҳисоби Хушвахтова Рухсора Хайридиновна, Ҳайдаралиев Зокир Мадаминович ва Хушвахтов Хайридин ба фоидаи Филиали ҶСП “Аввалин бонки молиявии хурд” дар ноҳияи Синои шаҳри Душанбе маблағи қарзи асосӣ- 19 047 доллари ИМА, фоизи қарз 1048 доллари ИМА ва ҷаримаҳои ҳисобшуда 533 доллари ИМА, ҷамъ 20628 доллари ИМА, бо пули миллӣ 131 287 сомонӣ ва хароҷоти судӣ ба андозаи 2625,74 сомонӣ рӯёнида шуд.