Суди шаҳри Қурғонтеппа: Таъйини ҷарима барои риоя накардани қонун

Душанбе, 24.12.2015. (АМИТ «Ховар»).-Ба суди шаҳри Курғонтеппа дар соли 2015 оид ба риоя накардани  Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва Қонуни Ҷумҳурии Тоҷикистон «Дар бораи танзиму анъана ва ҷашну маросим дар Ҷумҳурии Тоҷикистон» 470 парвандаи ҳуқуқвайронкунии маъмурӣ бо моддаи 90 Кодекси ҳуқуқвайронкунии маъмурии Ҷумҳурии Тоҷикистон ворид гардидааст, ки 467 ададаш баррасӣ ва 3 адади он барои барасмиятдарорӣ баргардонида шудааст. Суд  нисбат ба 161 шаҳрванд ҷазои огоҳӣ ва нисбат ба 306 нафар ҷазоҳои ҷарима ба маблағи 26480 сомонӣ таъйин кардааст.
Инчунин дар соли равон ба Суди  шаҳри Қурғонтеппа 16 парвандаи ҳуқуқвайронкунии маъмурӣ бо моддаи 481 Кодекси ҳуқуқвайронкунии маъмурии Ҷумҳурии Тоҷикистон ворид гардида, нисбат ба 14 нафар ҷазои ҷарима таъйин шуда, 2 адади дигараш барои барасмиятдарорӣ баргардонида шудааст.