Сумангул Тағойзода: Эмомалӣ Раҳмонро нангу номуси ватандорӣ Пешвои миллат кард

Душанбе, 14.12.2015. (АМИТ «Ховар) -Дар Вазорати меҳнат, муҳоҷират ва шуғли аҳолии Ҷумҳурии Тоҷикистон ҷамъомад бахшида ба қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ — Пешвои миллат» бо иштироки кормандони дастгоҳи марказии вазорат ва сохторҳои он баргузор гардид.
Вазири меҳнат, муҳоҷират ва шуғли аҳолии Ҷумҳурии Тоҷикистон  гуфт, ки Қонун «Дар бораи Асосгузори сулҳу ваҳдати миллӣ-Пешвои миллат», ки бо ташаббуси як гурўҳ вакилони мардумӣ ва дархости шаҳрвандони мамлакат пешниҳод гардид, он  зарурат, тақозо ва эҳтиёҷи миллии мардуми Тоҷикистон мебошад. Президенти кишвар Эмомалӣ Раҳмон дар лаҳзаҳои хеле ҳассос ва тақдирсоз масъулиятро ба дӯш гирифта, бо гурўҳҳои силоҳбадаст ва бо мухолифини сиёсӣ гуфтушунидҳои мураккабу душворро оғоз карда, Ҷумҳурии Тоҷикистонро аз оташи ҷанги хонумонсўз ва миллатро аз парокандагиву  нестшавӣ наҷот дод. Эмомалӣ Раҳмонро нангу номуси ватандорӣ Пешвои миллат кард.  
Дар ҳамоиш дигар кормандони вазорат ҳам аз қонун ҷонибдорӣ  карда,  дар мавриди заҳматҳои Пешвои миллати тоҷикон Эмомалӣ Раҳмон ибрози назар карданд.