Қуттиҳои сиёҳ»-и Су-24-ро ба президент нишон доданд

Декабрь 9, 2015 04:03

Душанбе, 09.12.2015. (АМИТ «Ховар). — «Қуттиҳои сиёҳ»-и тайёраи ҷангии Су-24-и Русия, ки аз тарафи тайёраи F-16-и Туркия зада шуда буд, пайдо гардида, ба президенти Федератсияи Русия Владимир Путин нишон дода шуданд. Тавре ки вазири мудофиаи Русия Сергей Шойгу иттилоъ дод, қуттиҳои мазкур аз маҳали сарозер шудани тайёра дар натиҷаи амалиёти махсуси неруҳои артиши Сурия пайдо ва дастрас  шуданд. 
Президенти Русия Владимир Путин ба вазири мудофиа Шойгу супориш дод, ки «қуттиҳои сиёҳ» дар ҳузури коршиносони байналмилалӣ кушода шуда, мавриди омӯзиш қарор дода шаванд. «Аммо новобаста ба натиҷаҳои омӯзиши қуттиҳои сабткунандани тайёра, ки самту баландӣ ва суръату маҳали парвози тайёраро сабт мекунанд, муносибати мо ба амали содиркардаи кишвари Туркия тағйир намеёбад, — гуфт В.Путин ва илова кард, ки:
 — Мо ба Туркия  на танҳо ҳамчун ба кишвари дӯст, балки ҳамчун иттифоқчӣ дар мубориза ба муқобили террор муносибат доштем ва ҳеҷ кас ин зарбаи хоинона аз пуштро мунтазир набуд».
Хотиррасон мекунем, ки 24-уми ноябри соли равон тайёраи F-16-и Туркия ба тайёраи навъи Су-24-и неруҳои ҳарбӣ-ҳавоии Русия ҳамла овард, ки боиси фавти сарнишини он ва сард шудани муносибатҳо миёни Русия ва Туркия гашт. 

 

Декабрь 9, 2015 04:03

Хабарҳои дигари ин бахш

Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Таҳти унвони «Эмомалӣ Раҳмон — ҳомии сулҳ ва Ваҳдати миллӣ» конференсияи ҷумҳуриявӣ доир шуд
Занону модарони собиқадор бо сарбозон ва сокинони Варзоб, Файзобод, Рӯдакӣ ва Шаҳринав мулоқот намуданд
Дар Донишгоҳи давлатии Бохтар вобаста ба амнияти иттилоотӣ конференсияи ҷумҳуриявӣ баргузор шуд
Дар Хатлон бо сабаби надонистани қоидаҳои оббозӣ ва бетаваҷҷуҳии волидон 48 ҳолати ғарқшавӣ ба қайд гирифта шуд
МЕГАФОН ТОҶИКИСТОН: Кӯдаконро дар тобистон бо чӣ метавон банд кард?
Имрӯз дар шаҳри Душанбе ҳаво то 39 дараҷа гарм мешавад
Дар Турсунзода беш аз 6 ҳазор ҳолати вайронкунии қоидаҳои ҳаракат дар роҳ ошкор гардид
Дар даври дуюми Озмуни ҷумҳуриявии «Тоҷикистон-Ватани азизи ман» 2676 довталаб иштирок менамояд
Дар Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ТАЪТИЛИ ТОБИСТОНА. Дар Зафаробод 1530 нафар хонанда ба истироҳат фаро гирифта мешавад
Имрӯз дар водиҳои Тоҷикистон ҳаво то 40 дараҷа гарм мешавад