ВКД: Садамаҳои марговар дар вилояти Хатлон

      Душанбе, 11.12.2015. (АМИТ «Ховар) -9 декабри солир равон, ронандаи мошини тамғаи “Опел-Вектра” сокини 42-солаи ноҳияи Ёвон, ҳангоми ҳаракат аз шаҳраки Ёвон ба ҷониби  ноҳияи Рӯдакӣ, дар ҳудуди деҳаи Ҷавонии ҷамоати деҳоти  Даҳана аз уҳдаи идораи воситаи нақлиёт набаромада, ба мошини тамғаи “Мерседес-Бенс”, таҳти идораи ронанда, сокини 26-солаи ноҳияи А.Ҷомӣ бархӯрдааст. Дар натиҷа ронандаи мошини тамғаи “Опел-Вектра” ва мусофираш сокини 53-солаи ноҳияи Ёвон, ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаанд. 
            Инчунин ронандаи мошини “Мерседес-Бенс” ва мусофири мошини “Опел-Вектра”, сокини 24-солаи ноҳияи Ёвон ҷароҳатҳои ҷисмонӣ бардошта, дар беморхонаи марказии ноҳия бистарӣ шудаанд. 
Рӯзи 10 декабри соли равон ронандаи мошини тамғаи “Опел-Астра”,  сокини 31-солаи ноҳияи Фархор, ҳангоми ҳаракат аз  деҳаи Арча ба сӯйи  деҳаи Сомониёни ҷамоати деҳоти Деҳқонариқ, дар гардиши роҳи самти ноҳияи Ҳамадонӣ қоидаҳои ҳаракати роҳро риоя накарда, ба мошини тамғаи “Мерседес-Бенс”, таҳти идораи ронанда, сокини  30-солаи ноҳияи Ҳамадонӣ бархӯрдааст. Дар натиҷа мусофири мошини “Опел-Астра” сокини 29-солаи ноҳияи Фархор ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.