ВМКБ: Театри Қурғонтеппа «Девори нанг»-ро намоиш медиҳад
Душанбе, 29.12.2015. (АМИТ «Ховар»). — Бо пешниҳоди Вазорати фарҳанги Ҷумҳурии Тоҷикистон ва Ташкилоти муҳоҷират ҳайати эҷодии Муассисаи давлатии «Театри вилоятии мусиқӣ-мазҳакавии ба номи Ато Муҳаммадҷонов»-и шаҳри Қурғонтеппа таҳти роҳбарии Ҳунарпешаи халқии Тоҷикистон Аловуддин Абдуллоев яке аз аввалинҳо шуда, дар назди сокинони аз заминларза зарардидаи ВМКБ бо намоишномаи «Девори нанг» ҳунарнамоӣ карданд.
Нахустин намоиши ҳунармандонро 500 тарбиятгирандаи Мактаб-интернати ҷумҳуриявии ноҳияи Рӯшон, ки дар он 130 нафар наврас аз водии Бартанг аз мавзеи аз зилзила осебдида оварда шудаанд , тамошо карданд.
Ҳайати эҷодии театр ният доранд, ки ба зарардидагони офат, ки дар деҳаҳои Шуҷанд, Баррӯшон ва дигар деҳаҳои ноҳияи Рӯшон муваққатан ҷой гирифтаанд, намоишномаро пешкаш намоянд. Ҳамчунин тӯли як ҳафтаи сафари ҳунарӣ ҳунармандони «Театри вилоятии мусиқӣ-мазҳакавии ба номи Ато Муҳаммадҷонов»-и шаҳри Қурғонтеппа ба сокинони шаҳри Хоруғ ва ноҳияҳои Дарвоз, Ванҷ, Рӯшон, Роштқаъла, Шуғнон ва Ишкошим низ намоишномаи «Девори нанг» -ро пешкаш менамоянд.
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
