100% беморони гирифтори шакли мутобиқгаштаи сил ба табобат фаро гирифта шуданд

Душанбе, 13.01.2016. (АМИТ «Ховар»). — “Озмоишгоҳи бактериологӣ мансуб ба кишти балғам дар минтақаи Қурғонтеппаи вилояти Хатлон бо таҷҳизоти зарурӣ таъмин карда шуда, маводи сарфшаванда барои гузаронидани кишт ҷудо шудааст”,-гуфт Лола Бобоҳоҷиева, муовини авали вазири тандурустӣ ва ҳифзи иҷтимоии аҳолӣ имрӯз, 13 январ зимни нишасти матбуотии ин ниҳод. Ҳоло дар ҷумҳурӣ 100% беморони гирифтори шакли мутобиқгаштаи сил ба табобат фаро гирифта шудаанд.
“Дар соли 2015 амалиёти пайвандсозии гурда идома ёфта, ҳамзамон ҷарроҳиҳои метаболикӣ ва пайвандсозии ҷигар бо муваффақият гузаронида шуданд. Аз ҷониби гурӯҳи мутахассисон амалиёти пайвандсозии гурда дар минтақаҳо, аз ҷумла дар ноҳияи Данғара ва шаҳри Хуҷанд бо муваффақият ба роҳ монда шуд”,-иттилоъ дод муовини аввали вазири тандурустӣ.