А. Исломзода: КВД «Хоҷагии манзилию коммуналӣ» корхонаи худмаблағгузор аст

Душанбе, 14.01.2016. (АМИТ «Ховар»). Имрӯз зимни нишасти матбуотӣ директори Корхонаи воҳиди давлатии «Хоҷагии манзилию коммуналӣ» Алимурод Исломзода доир ба кам будани музди меҳнати роҳрӯбҳо иброз дошт, ки Корхонаи воҳиди давлатии «Хоҷагии манзилию коммуналӣ» корхонаи худмаблағгузор буда, мазди меҳнати коргарон аз ҳисоби маблағи пардохтгардидаи шаҳрвандон дода мешавад ва аз ҳамин сабаб музди меҳнати коргарон кам аст.
Ҳамчунин номбурда илова намуд, ки аз сабаби паст будани сабади истеъмолии мардум имконияти баланд бардоштани тарофаҳоро надоранд ва дар натиҷаи хуб шудани имконияти молиявӣ маоши коргарон низ баланд мешавад.