Ба муносибати 25-солагии Истиқлолияти давлатӣ дар ноҳияи Спитамен 30 иншоот ба истифода дода мешавад

Спитамен, 14.01.2016. (АМИТ «Ховар»). — Барои сазовор пешвоз гирифтани 25-солагии Истиқлолияти давлатии Ҷумҳурии Тоҷикистон дар ноҳияи Спитамен 30 иншооти гуногун бунёд ва ба истифода дода мешавад.
Дар ин бора раиси ноҳияи Спитамен Ориф Хоҷазода зимни нишасти матбуотӣ, ки 13-уми январ дар Мақомоти иҷроияи ҳокимияти давлатии ноҳия баргузор гардид, иттилоъ дод.
Ориф Хоҷазода зимни суҳбат гуфт, ки соли равон ҷашни 90-солагии ноҳия низ таҷлил хоҳад шуд ва ба истиқболи ин ҷашнҳо дар ноҳия соли равон сохтмони мактаби хусусӣ, мактаб барои 240 хонанда дар Сарбанд, таъмири беморхонаи ҷамоати Куруш ва як зумра иншооти дигар роҳандозӣ мешавад.