Баргузории машварат барои бонувон дар Норак

Норак, 23.01.2016 (АМИТ «Ховар»).-Бо ташаббуси бахши кор бо занон ва оилаи мақомоти иҷроияи ҳокимияти давлатии шаҳри Норак  дар мақомоти иҷроия бо иштироки раисони Шўрои занони минтақаҳо  бо мақсади тақвият бахшидан ба корҳои таблиғотии бонувон оид ба масъалаҳои баланд бардоштани маърифати сиёсию ҳуқуқӣ, сатҳи иҷтимоии оилаҳо, саҳми онҳо дар рушди давлатдории миллӣ ва пешгирии ҳолатҳои номатлуб машварат доир гардид.

Ҳамчунин дар  машварат мавзўъҳои ба амалҳои номатлуб даст назадани занону духтарон, хурофотпарастӣ, тақлид ба фарҳанги бегона мавриди муҳокима қарор гирифтанд ва аз чанд масъалаи дигар, аз  қабили  ҷудошавии оилаҳо аз никоҳҳои хешутаборӣ, фарзандони маъюб таваллуд кардани оилаҳои ҷавон, даст ба кори нангин- танфурўшӣ задани иддае аз занон ва пайравӣ аз фарҳанги бегона изҳори нигаронӣ карда шуд.