Беҳбудиҳои сиёсиву иқтисодӣ метавонанд Пешвои миллат будани Эмомалӣ Раҳмонро пурра тасдиқ намоянд
Душанбе, 6.12.2015. (АМИТ «Ховар»).-Дар Палатаи савдо ва саноати вилояти Суғд дар робита ба қабул ва ҷонибдории Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ — Пешвои миллат» ҷамъомад баргузор шуд.
Раиси Палатаи савдо ва саноати вилояти Суғд Фирдавс Комилов зикр кард, ки Сарвари кишвар Эмомалӣ Раҳмон замоне ба сари қудрат омад, ки Тоҷикистон ба ҷанги таҳмилии дохилӣ гирифтор буда, кишварро хавфи нобудӣ таҳдид мекард. Маҳз хизматҳои шоёни ин фарзанди барӯманди миллат буд, ки дар кишварамон сулҳу субот, оромӣ ва ризоияти миллӣ барқарор шуд. Ӯ ҳамчун Пешво тавонист Ваҳдати миллатро ба даст оварад.
«Имрӯз таҷрибаи сулҳи тоҷикон дар саросари ҷаҳон ҳамчун намуна омӯхта мешавад, ки он дар натиҷаи талошҳо ва ҷоннисориҳои пайвастаи Президенти кишвар Эмомалӣ Раҳмон ба даст омада, мардуми тоҷикро ҳамчун миллати сулҳдӯсту тамаддунофар муаррифӣ намудааст. Фазои озоди сиёсӣ, мардумсолорӣ, ислоҳоти иқтисодӣ, поягузориву такмили ҳокимияти давлатӣ, рушду нумӯи саноат дар кишвар ва дигар беҳбудиҳои сиёсиву иқтисодӣ метавонанд Пешвои миллат будани Эмомалӣ Раҳмонро пурра тасдиқ намоянд»,-иброз намуд Фирдавс Комилов.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
