Беш аз 40 тонна асали Варзоб

Варзоб, 11.01.2016. (АМИТ «Ховар»).-Ноҳияи Варзоб ҳамчун минтақаи истироҳатию табобатӣ ва сайёҳӣ ҳамчун мавзеи дӯстдоштаи сайёҳони дохиливу хориҷӣ қарор дорад,-иброз дошт, раиси ноҳияи Варзоб Савзаалӣ Назирзода зимни нишасти хабарӣ, ки имрӯз доир гардид.
Раиси ноҳия дар бораи натиҷаҳои рушди иҷтимою иқтисодии ноҳия сухан ронда, аз ҷумла гуфт, ки соли гузашта дар ҳамаи шаклҳои хоҷагидорӣ дар майдони 20,6 гектар боғу токзори нав бунёд шуд, ки 10,1 гектари онро боғи нав ташкил медиҳад. Алҳол дар ноҳияи Варзоб 4944 оилаи занбӯри асал мавҷуд аст. Асалпарварон соли гузашта беш аз 40 тонна асали аълосифат ба даст оварданд.
Имсол кишоварзони ноҳия дар масоҳати 1122 гектар кишти тирамоҳии зироати ғалладона гузарониданд.