Дар вилояти Суғд ду ҷинояти вобаста ба маводи нашъаовар ошкор шуд

Душанбе, 16.01.2016. (АМИТ “Ховар”). — Шабонарӯзи сипаригашта кормандони Раёсати Агентии назорати маводи нашъаовари назди Президенти ҶТ дар вилояти Суғд дар шаҳри Хуҷанд ду ҷинояти вобаста ба маводи нашъаоварро ошкор намуданд
12 феврали соли 2014 дар қасабаи 12 шаҳри Хуҷанд сокини 35-солаи маҳаллӣ О.Р. дастгир шуд, ки кормандони фаврӣ аз ӯ маводи нашъаовари ҳашишро дар ҳаҷми калон ошкор намуданд. Ҳангоми гузаронидани чорабиниҳои иловагӣ ҳаммаслаки ин ҷиноят сокини 55-солаи Хуҷанд дастгир шуд. Тафтишоти пешакӣ нишон дод, ки ӯ пештар се маротиба суд шуда будааст — бори аввал соли 1980 барои авбошӣ, соли 1983 боз барои авбошӣ, бори сеюм — соли 2002 барои даст задан ба муомилоти ғайриқонунии маводи нашъаовар.
Боздошти дуюм 25 феврал ҳангоми гузаронидани чорабинии фаврӣ-ҷустуҷӯӣ дар истгоҳи нақлиётии “Роҳи Абрешим” дар қасабаи 34-и шаҳри Хуҷанд амалӣ гардид, ки зимни азназаргузаронии шахсӣ аз сокини 48-солаи ноҳияи Мастчоҳ маводи хамирмонанди ҷигарии дорои бӯи махсус мусодира шуд.
Мутобиқи хулосаи ташхис маводи нашъаовар афюн буда, вазни он 3 кг 389 граммро ташкил менамояд.
Аз рӯи ҳар ду ҳодиса парвандаи ҷиноӣ оғоз гардида, тафтиш давом дорад.