Дидори П. Давлатзода бо А. Гасанов

Душанбе, 29.01.2016 (АМИТ «Ховар»).- 27 январи соли 2016 муовини вазири корҳои хориҷии Ҷумҳурии Тоҷикистон П. Давлатзода Сафири Озарбойҷон дар Тоҷикистон А. Гасановро бо хоҳиши ӯ ба ҳузур пазируфт.
Зимни мулоқот ҷониби Тоҷикистон миннатдории раҳбарияти кишварро ба Ҳукумат ва мардуми Озарбойҷон барои кумаки башардӯстона барои рафъи оқибатҳои заминларза дар ВМКБ изҳор намуда, паёми арзи сипоси Президенти Ҷумҳурии Тоҷикистонро ба сарвари давлати Озарбойҷон супурд.
Ҳамчунин дар фазои дӯстона ва ҳусни тафоҳум масоили мубрами дуҷониба ва минтақавӣ мавриди баррасӣ қарор гирифтанд.