ДСРТ бо донишгоҳҳои хориҷӣ 88 созишномаи ҳамкорӣ дорад
![](https://khovar.tj/wp-content/uploads/2016/01/RTSU.jpg)
Душанбе, 14.01.2015 (АМИТ «Ховар»). Зимни нишасти хабарие, ки имрӯз дар Донишгоҳи (славянии) Русияву Тоҷикистон (ДСРТ) доир шуд, ректори донишгоҳ Нуралӣ Солеҳов ба хабарнигорон гуфт, ки ДСРТ бо донишгоҳҳои хориҷӣ 88 созишномаи ҳамкорӣ дорад, аз ҷумла бо Донишгоҳи нақлиёти Сиан ва Донишгоҳи давлатии омӯзгории Беларус.
ДСРТ дар чунин барномаҳо ва лоиҳаҳои байналмилалии таҳсилотӣ ширкат меварзад: Донишгоҳи шабакавии ИДМ, Донишгоҳи Созмони ҳамкории Шанхай, Лоиҳаи «UNICO»(Европейский Союз), Лоиҳаи «GSMART» (Иттиҳоди Аврупо).
Дар соли 2015 9 намояндагии донишгоҳҳои хориҷӣ ва созмонҳои байналмилалӣ, инчунин олимони намоён ба ДСРТ ташриф оварданд. Дар ин давра аз тарафи ДСРТ ба Президенти Донишгоҳи Тсукубаи Япония Кёсуке Нагата унвони Доктори фахрии ДСРТ дода шуд.