Дуздии хонандагони Конибодом ошкор гардид

Душанбе, 14.01.2016. (АМИТ «Ховар»).-Кормандони мақомоти ҳифзи ҳуқуқ бо гумони содир намудани ҷинояти дуздӣ ду навраси 16-солаи сокинони шаҳри Конибодом, хонандагони мактаби таҳсилоти умумиро дастгир намуданд.
Наврасон шаби 28 ба 29-уми декабри соли 2015 бо роҳи пинҳонӣ вориди мағозаи соҳибкор, сокини 23-солаи шаҳри Конибодом шуда, аз он ҷо якчанд намуд телефони мобилии гуногунтамға ба маблағи 10 ҳазору 645 сомониро дуздида, аз ҷойи ҳодиса ғайб задаанд.
Ҳамчунин дар ин рӯз кормандони милитсия тавонистанд як ҷинояти дуздии дигарро ошкор намоянд. Шаби 23 ба 24-уми ноябри соли 2015 шахсони номаълум бо роҳи пинҳонӣ вориди ҶДММ Софтлаб, воқеъ дар шаҳри Душанбе шуда, аз дохили сандуқи оҳанин (сейф)-и коргоҳ 1850 доллари амрикоӣ, 6 ҳазор сомонӣ ва ҷавоҳироти тиллоӣ, ҷамъ 247 ҳазор (247000) сомониро дуздида, аз ҷойи ҳодиса ғайб задаанд. Ҳамчун гумонбар дар ҷинояти дуздӣ ду ҷавони 23-солаи сокинони шаҳри Душанбе дастгир шуданд.