Гулмуҳаммад Бедор Тоҷикистонро аз аввалин кишварҳои дӯсту бародари кумакрасон номид
Душанбе, 14.01.2016. (АМИТ «Ховар»). -13 январи соли 2016 муовини якуми раиси Кумитаи ҳолатҳои фавқулодда ва мудофиаи гражданӣ Рустам Шоҳиён ва муовини раиси кумита Ҷамшед Маҳмадзода бо гурўҳи кории Вазорати мубориза бо ҳаводиси табиии Ҷумҳурии Исломии Афғонистон вохўрӣ намуданд.
Бино ба иттилои маркази матбуоти КҲФ МГ, зимни вохўрӣ ҷонибҳо аз масоили табодули иттилооту таҷриба ёдовар гардида, Рустам Шоҳиён аз ҳамкории дуҷониба дар самти фаъолият изҳори назар намуд ва кумаки башардўстонаи Ҳукумати Тоҷикистонро ба аҳолии зарардидаи ҷамоати Обиборики вилояти Бадахшони ин кишвар, ки дар пайи фаромадани ярч дар соли 2014 сурат гирифта буд, нишонаи возеҳи ҳамкорӣ арзёбӣ кард.
Доктор Гулмуҳаммад Бедор, раиси вилояти Бадахшони Ҷумҳурии Исломии Афғонистон изҳори миннатдории мардуми азияткашидаи ин минтақаро барои расонидани кумакҳо, ки аз 200 тонна маводи зарурӣ иборат буданд, ёдовар шуда, Тоҷикистонро аз зумраи кишварҳои дӯсту бародари кумакрасоне донист, ки аввалин шуда, дасти мадад дароз кард.
Дар интиҳо миёни гурўҳи корӣ мубодилаи афкор барои рушди мақомот сурат гирифт.
Имрӯз дар водиҳои Тоҷикистон ҳаво то 43 дараҷа гарм мешавад
Имрӯз дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
