«Истиқлол» ва «Хуҷанд» бозии санҷишӣ гузаронданд

Душанбе, 13.01.2016 (АМИТ «Ховар»). — Бозии аввали санҷишӣ миёни қаҳрамонони кишвар «Истиқлол» ва «Хуҷанд», ки дар майдони варзишгоҳи маркази таълимии Бонки миллии Тоҷикистон дар Қайроқум баргузор гардид, бо натиҷаи 1:1 анҷом ёфт.
«Истиқлол» ва «Хуҷанд»-и Тоҷикистон ба бозии Ҷоми Конфедератсияи футболи Осиё КФО-2016 мунтазам омодагӣ дида истодаанд. «Истиқлол» дар ин мусобиқа бозиҳояшро 23-юми феврал дар марҳилаи гурӯҳӣ оғоз мекунад. Дастаи «Хуҷанд» барои баромадан ба марҳилаи гурӯҳӣ 9-уми феврал дар сафар бо дастаи фаластинии «Аҳли Ал-Халил» сабқат мекунад.
Рӯзи ҷумъа, 15-уми январ «Истиқлол» ва «Хуҷанд» бори дигар дар бозии санҷишӣ бо ҳам рӯ ба рӯ мешаванд. Ин бозӣ низ дар варзишгоҳи маркази таълимии Бонки миллии Тоҷикистон дар Қайроқум баргузор мегардад.