Кормандони АНМН қариб 150 кг маводи нашъаовар мусодира карданд
Душанбе, 29.01.2015. (АМИТ «Ховар»).- Кормандони Агентии назорати маводи нашъаовари назди Президенти ҶТ як гурӯҳи навбатии муташаккили нашъаҷаллобонро безарар гардониданд ва ҳаҷми калони маводи нашъаоварро мусодира намуданд. Аз тарафи кормандони Агентии назорати маводи нашъаовари назди Президенти ҶТ амалиёти васеъмиқёси зиддимухаддиротӣ, ки моҳи ноябри соли 2015 оғоз шуда буд, бомуваффақият анҷом ёфт. Амалиёт дар якчанд марҳила бо усули “харидории санҷишӣ” анҷом ёфт. Дар шаҳрҳои Душанбе ва Хуҷанд гурӯҳи устувори муташаккили ҷиноӣ безарар гардонида шуд, ки аз онҳо қариб 150 кг маводи нашъаовар мусодира гардид.
Аз тарафи аъзои гурӯҳи муташаккили ҷиноятпеша шабакаи устувори интиқоли маводи нашъаовар аз Афғонистон аз тариқи Тоҷикистон ва кишварҳои Осиёи Марказӣ ба Федератсияи Русия ба роҳ монда шуда буд.
Санҷиши пешакӣ муайян намуд, ки ба ҳайати гурӯҳ нашъаҷаллобоне шомил буданд, ки ду нафари онҳо қаблан барои содир намудани ҷиноятҳои мухаддиротӣ суд шуда буданд. Қобили зикр аст, ки яке аз аъзои фаъоли гурӯҳ як сол қабл ба озодӣ баромада, ба зудӣ ба гурӯҳи ҷиноятпеша шомил гардид.
Мувофиқи хулосаи озмоишгоҳи ташхиси судӣ маводи нашъаовари мусодирашуда 3 килограмм героин ва зиёда аз 146 кг ҳашиш мебошад.
Аз рӯи ин ҳодиса парвандаи ҷиноӣ аз рӯи моддаи 200 қ. 4 (муомилоти ғайриқонунии маводи нашъаовар ё моддаи психотропӣ бо мақсади фурӯш дар ҳаҷми махсусан калон) оғоз шудааст.
Ҳоло чорабиниҳои фаврӣ-тафтишотӣ барои муайян ва дастгир намудани аъзои боқимондаи гурӯҳи муташаккили ҷиноятпеша гузаронида шуда истодаанд.
Амнияти иттилоотӣ ва амнияти киберӣ омили калидии рушди иқтисоди рақамӣ дар Тоҷикистон мебошанд
Яке аз роҳҳои пешгирии терроризму экстремизм баланд бардоштани маърифати шаҳрвандон мебошад
Ҳайати Хадамоти амнияти давлатии Ҷумҳурии Узбекистон ба Ҷумҳурии Тоҷикистон омад
Дар Суғд маросими тантанавии гусели даъватшавандагон ба хизмати ҳарбӣ доир шуд
Ҷавонони ватандӯсту шуҷои ноҳияи Деваштич ба хизмати ҳарбӣ равона гардиданд
Дар ноҳияи Мастчоҳ аввалин гурӯҳи ҷавонони синни даъватиро ба хизмат гусел намуданд
ХИЗМАТ БА ВАТАН ШАРАФ ВА ҶАСОРАТ АСТ! Ҷавонони ноҳияи Ҷаббор Расулов бо ҳисси баланди ватандӯстӣ ба хизмати ҳарбӣ рафтанд
Ҷаласаи Шурои вазирони мудофиаи кишварҳои Иттиҳоди Давлатҳои Мустақил доир гардид
Ноҳияи Исмоили Сомонии шаҳри Душанбе нақшаи даъвати баҳории ҷавононро ба сафи Қувваҳои Мусаллаҳ иҷро намуд
«МАРЗУ БУМИ ВАТАНРО СОДИҚОНА ҲИФЗ МЕНАМОЕМ!». Ҷавонони Файзобод бо дуои неки волидон ба хизмат дар сафи Қувваҳои Мусаллаҳи Тоҷикистон рафтанд
«ХИЗМАТ БА ВАТАН ҚАРЗИ ФАРЗАНДИИ МОСТ!». Ҷавонони шаҳри Ҳисор ба таври ихтиёрӣ ба комиссариати ҳарбӣ ҳозир шуданд
БАРОИ ВАТАН ҶОН ФИДО МЕКУНЕМ! Дар Бӯстон Рӯзи даъватшаванда баргузор гардид
