Кумитаи ҷавонон 355 нафарро ба Русия барои кори доимию мавсимӣ сафарбар кард
Душанбе, 14.01.2016. (АМИТ «Ховар»). -«Яке аз самтҳои асосии фаъолияти Кумитаи ҷавонон, варзиш ва сайёҳӣ- ин мусоидат ба шуғли ҷавонон мебошад. Дар ин самт аз ҷониби Корхонаи воҳиди давлатии “Биржаи меҳнатии ҷавонон” як зумра корҳо амалӣ шуданд». Ин нуктаро имрӯз зимни нишасти матбуотӣ раиси кумита Аҳтам Абдуллозода таъкид намуд.
Бино ба иттилои раиси кумита, дар соли 2015 аз ҷониби КВД «Биржаи меҳнатии ҷавонон” дар якҷоягӣ бо Раёсати Агентии давлатии ҳифзи иҷтимоии шуғли аҳолӣ ва муҳоҷирати шаҳри Душанбе 28 ярмаркаи ҷойҳои корӣ (2014 — 16 ярамарка) гузаронида, дар онҳо 17100 нафар корҷўён (2014 — 6150 нафар корҷўён) иштирок намуда, ба 210 нафар роҳхат ба ташкилоту муассисаҳои пойтахт дода шуда, 355 (2014 — 311) муроҷиаткунанда ба Федератсияи Русия барои корҳои доимию мавсимӣ сафарбар шуданд.
“Дар баробари бо ҷойи кор таъмин намудани ҷавонон, КВД “Биржаи меҳнатии ҷавонон” дар давоми соли 2015 бо ҷавононе, ки майли муҳоҷирати меҳнатӣ доранд, суҳбатҳо доир намуда, зиёда аз 4500 маводи иттилоотӣ оид ба навоварии қонунгузориҳои Федератсияи Русия ва ба танзим даровардани раванди муҳоҷирати меҳнатии ҷавонон тақсим намуданд”,-илова намуд А.Абдуллозода
Пешвои миллат Эмомалӣ Раҳмон: «Некӣ кардан ба падару модар афзалтар аз намозу рӯза ва ҳаҷу умра мебошад»
«АРТИШИ МИЛЛӢ-НЕРУИ ПОЯНДАИ ДАВЛАТ». Таҳти чунин унвон дар шаҳри Бохтар ҳамоиш доир гардид
Дар Тоҷикистон ҳаво то 25 дараҷа гарм мешавад
Соли 2025 ҳаҷми истеҳсоли маҳсулоти ҳунармандон ба беш аз 110 миллион сомонӣ расид
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Тоҷикистон иқдоми тақдими китоб идома дорад
Тавассути корти бонкии нафақагирон беш аз 200 амалиёти бонкӣ иҷро мегардад
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
