Панҷакент: Дастовардҳо назаррасанд

Панҷакент, 15/01.2016. (АМИТ «Ховар»).- 13 январ дар мақомоти иҷроияи ҳокимияти давлатии шаҳри Панҷакент бо ширкати хабарнигорони маҳалливу ҷумҳуриявӣ нишасти матбуотӣ баргузор гардид. Раиси шаҳри Панҷакент Ислом Зиёзода аз фаъолияти соҳаҳои мухталифи хоҷагии халқи шаҳр тӯли соли равон гузориш дода, аз ҷумла иброз дошт, ки аз 11 сарчашмаи воридоти андозҳо иҷрои 10 намуди он барзиёд таъмин гардид. Аз ҳисоби таъмин нагардидани нақшаи андоз аз фоида ба буҷет ба маблағи умумии 12 миллиону 589 ҳазору 166 сомонӣ кам маблағ ворид гардидааст. Дар соли 2015 андоз аз фоида ба маблағи 18 миллиону 600 ҳазор сомонӣ ба нақша гирифта шуда, ҳамагӣ 6 миллиону 10 ҳазору 834 сомонӣ ворид гардидааст, ки 32,3 фоизи нақшаро ташкил медиҳад Супорандаи асосии андоз аз фоида XДММ КМ «Зарафшон» буда, бо сабаби пешпардохт доштан ва бо фоидаи кам ҷамъбаст намудани соли 2014 ин намуди андозро дар соли 2015 умуман пардохт накардааст. Қисми хароҷоти буҷети маҳаллӣ дар соли сипаригашта ба ҷои 93 миллиону 89 ҳазору 441 сомонии нақшаи пешбинишуда аз буҷет маблағи 95 миллиону 366 ҳазору 651 сомонӣ хароҷот шудааст, ки ин 102 фоизи нақшаро ташкил медиҳад.